Orain arte Nafarroako Bertsozale Elkarteko presidentea izan den Manolo Arozenari lekukoa hartuz, Alaitz Rekondo lesakarra ariko da hemendik aitzinera lan horretan. Bortzirietako Bertso Eskolan hasi zuen bertsolaritzarekin harremana Rekondok eta azken urteotan gai-jartzaile eta aurkezle lanetan aritu da. Urtarrilaren 29an Nafarroako Bertsozale Elkarteak Lesakan egindako urteko Batzar Nagusian izendatu zuen lehendakari. Egun berean egin zen urteko balantzea ere, eta 2011rako egitasmoa zehaztu eta iazko kontuak eta aurtengo aurrekontua onartu ere bai.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun