Nafarroako Gobernuak liburutegiko lanpostua betetzeko egin duen deialdiaren arabera, lanpostu horietan aritzeko ez da beharrezkoa euskaraz jakitea; eta jakitea ez da baloratuko. Deialdi horren kontra hainbat helegite paratu dira. Baina herritarren aldetik ere erabaki horren aurkako erantzuna eman nahi da eta hortaz, liburuzainak euskaraz jakin behar duela aldarrikatzeko sinadura bilketa paratu da martxan, Gobernuari eta Arartekoari helarazteko. Bera eta Lesakan abiatu da ekimen hau eta bi liburutegietan arratsaldez egin daiteke sinadura, otsailaren 28ra arte.