Otsailaren 12an, larunbat goizeko 09:30ean hasita jokatuko dira Bortzirietako eskuz banakako hamargarren pilota txapelketako finalak Lesakako udal pilotalekuan.
Aurrebenjamin mailan, Lesakako Arkupeko bi pilotari izanen dira aurrez aurre: Xuban Fernandez eta Imanol Ugaldebere.
Benjamin B mailan, Lesakako Arkupeko Asier Larralde Igantziko Biltokiko Patxi Loiarteren kontra ariko da.
Benjamin A mailan, Txarutako Oier Ariztegi Goizuetako Umore Onako Eñaut Apezetxearen kontra ariko da.
Alebin B mailan, Etxalarko Altxata elkarteko bi pilotariren arteko lehia izanen da: Andoni Iribarren eta Eneko Sanzberro.
Alebin A mailan, Oiartzungo Oiarpeko Ekain Etxeberria, Berako Gure Txokoako Mikel Eltzaurdiaren kontra ariko da.
Infantil B mailan, Igantziko Biltokiko Oian Canabal Berako Gure Txokoako Ibai Rosen kontra ariko da.
Infantil A mailan, Berako Gure Txokoako Ander Errandonea, Iruñeko Donibaneko Unai Lasoren kontra ariko da.
Kadete mailan, azkenik, Lesakako Arkupeko Jon Olaizola, Berako Gure Txokoako Xabi Mendiren kontra.