Euskara Kultur Elkargoak eta Pamiela Argitaletxeak, urtero antolatzen duten Mikro-Ipuin Lehiaketak, Nafarroako ikastetxeetako ikasleek euskaraz idatzitako testurik hoberenak saritzen ditu. Lehiaketa hau Nafarroa osoko Lehen Hezkuntzan edota Derrigorrezko Bigarren Hezkuntzan euskaraz edo euskara ikasten duten ikasleei zuzendurik dago. Labiaga Ikastolako Mikel Castillo Graziarena, Lehen Hezkuntzako seigarren mailako ikaslea finalista gelditu da. Hauxe da bere ipuina:
ERLOJUAN
Erlojuen istorioan orratzen arteko ezberdintasuna nabaria zen. Orduen orratzak inbidiaz begiratzen zion minutuenari: berak 12 ordutan egiten zuena, ordu bakar batean egiteko gai zen. Minutuen orratza jaun eta jabe sentitzen zen erlojuen munduan segundoen orratza iritsi zen arte.