Hainbat berrikuntzarekin hasi du urtea Biltoki elkarteak. Nafarroako Kutxako Zuk aukeratu, zuk erabaki ekimenarekin, 12.000 eurotik goiti eskuratu ditu eta diru hori hainbat obra egiteko erabili da. Hasteko, ekaina baino lehen garbigailua, hormak egiteko makina eta kamara berria erosi ziren, eta horrez gain, komunean ere zenbait moldatze lan egin ziren.
Berriki, berriz, elkartearen egoitzako leihoak aldatu dira eta biltegia zolaberritu eta margotu. Igeltsero lanez Talotxa enpresa arduratu da, leihoez Apittu eta margotzeaz Agerre. Abenduan hasi ziren eta joan den astebururako bukatzekoa zuten.