Urtarrilaren 16an, igandean, Doneztebeko La Unión-Elkartasuna elkartean, urteroko batzar orokorra eginen du Casino-La Unión elkarteak, goizeko 11:30ean lehenengo deialdian, eta 12:00etan, bigarrenean.
Batzarrean honako gaiak landuko dira: joan den urteko aktaren irakurketa eta onarpena; Zuzendaritza batzordearen berritzea; Bazkideen bajak eta bazkide berrien proposamena; Diru balantzea eta gaur egungo egoera; Estatutuen berritzea; Erregu eta galderak.
Gai guziak garrantzitsuak dira eta batez ere zuzendaritza batzordea berritu behar dela kontuan hartuz, komenigarria litzateke ahalik eta bazkide gehien biltzea batzarrean.