Udalak sede elektronikoa eta horrekin lotua dagoen erregistro elektronikoa indarrean jartzen hasi da, herritarrei zerbitzu publikoetara sarbide elektronikoa emateko legea betez. Udal langileak sede hori osatzen ari dira eta hori lortzen denean, Interneterako sarbidea duen edozeinek bere etxetik mugitu gabe egin ahal izanen ditu udal gestio guziak. Azkenean, «Udalaren bulegoa Interneten» izanen da sede elektronikoa.
Sede elektronikoa martxan jartzeko, Espainiako Gobernuaren 8.300 euroko dirulaguntza izan da eta, hori osatzeko, Nafarroako Gobernuak bertze 8.200 euro ematea onartu du.