2010eko Sanferminetako gastua «hasieran iragarritako 63.000 euroetatik 95.780 eurora pasatu dela salatu du Onin Udal Taldeak, %50eko igoera. Oninen datuen arabera, 2009an ere 63.000 euroko aurrekontua izan zen eta 64.637 gastatu ziren, karriken garbiketa barne. 2010ean, ordea, 61.125 gastatu ziren bestetako programan, baina garbiketan bertze 34.655 euro. «Inguruko herrietan bestetako aurrekontua %30-40 jautsi den bitartean, hemen dirua soberan dagoela ematen du, herriaren dirua noski» dio Oninek bere idatzian. Juan Fermin Mitxelena alkateak aipatu digunez, «datuak ez dira zuzenak, bi dirusailak, bestetakoa eta garbiketarena, aparte direlako».