Bortz herrietako Osasunazaleak biltzen dituen Bortzirietako Gorriak peñak Bortzirietako mus txapelketa antolatu du hirugarren aldiz eta azaroan eta abenduan jokatu dira partidak herriz herri. Denetara 110 bikotek parte hartu dute azaroaren 19an Lesakako Koskilan, azaroaren 26an Etxalarko Herriko Ostatuan, abenduaren 3an Arantzako Pabloenean, abenduaren 11n Berako Errekalden eta abenduaren 17an Igantziko Allinean jokatutako partidetan. Kanporaketa fase bakoitzetik launa bikote sailkatu ziren Eguberri egunean Lesakako Koskillan jokatutako azken faserako.
Horien artean, Igantziko Iñigo Telletxea eta Carlos Seinek osatutako bikoteak irabazi zuen txapelketa, finalean Lesakako German Terreros eta Mattin Gonzalez-i irabazita.