Aurten laugarren aldiz, Santa Barbarako Igoera eginen da larunbat honetan. Dagoeneko lau urte pasatu dira Manttale Mendi Lasterketa Taldea, Agerra Mendi Taldea eta Gure Txokoa Elkartea igoera hau antolatzen hasi zirela, Taillon mendian hil ziren Xabier Zubieta, Loro Pikabea eta Xabier Saralegiren omenez. Arratsalde ederra prestatu dute aurten ere, 6,5 km.ko lasterketa egin eta ikusi nahi dutenentzat.
14:30ean Santa Barbarara ibilaldi gidatua eginen da. Kiroldegitik abiatuko da.
15:00etan binakako kronoigoera hasiko da. Lasterketaren ondotik, berendua eta zozketak eginen dira, eta baliteke diapositiba emanaldiren bat ere egitea.
Maratoi Erdia
Manttale Mendi Lasterketa Taldeak eman du Mendi Maratoi Erdia antolatzeko bidean lehendabiziko urratsa: eguna zehaztea. Maratoi Erdiaren zazpigarren edizioa apirilaren 17an eginen da.