Eguberrietako kontzertua abenduaren 21ean eskainiko du Berako Musika Eskolak

Berako Isidoro Fagoaga Udal Musika Eskolak Eguberrietako kontzertua eskainiko du abenduaren 21ean, astearte arratsaldeko 17:30etik aitzinera Musika Eskolan. Txistu, klarinete eta saxofoi ikasleek “Ikusi mendizaleak” joko dute; Musika eta mugimendua ikasten duten 3, 4, 5 eta 6 urteko ikasleek, Musika Hizkuntzako hastapen eta lehenengo mailakoek, teklatuak, xilofonoak eta kanpaiak eta orff instrumentuak “Kun-Kun lo lo” joko dute; bibolin taldeak, Idoia Martinez pianoan duela Leonard Cohenen “Halleluya” joko du; Irene Martinez pianojoleak Albinoniren “Adagio”; Ibon Irastortza, Asier Oses eta Oier Larretxea txistulariek “Din Dan Don” herrikoia; bibolin taldeak, Mari Jose Bergara pianoan duela, “Greensleves” folk kantua joko du; gitarra taldeak Susatoren “Battle Pavan”; Triki gazte taldeak Kepa Junkeraren “Madagaskar”; perkusio taldeak, Julen Errandonea baxua elektrikoarekin lagun duela “Gau erdian soinua”; Abesbatzak, bibolin taldeko Jone Olaetxea, Nahia Garcia eta Sara Maritxalarrekin eta Mari Jose Bergara pianojolearekin, “Gauaren erdian” herrikoia joko dute; trikitixa taldeak “Ai, oi gauaren zoragarria” Eguberrietako kantua eskainiko du eta talde instrumentalak, Musika Eskolako ikasleak kantuan lagun, “Jaungoiko Jaun Gabon”kantua, emanaldia bukatzeko.