Bortzirietako eskuz binakako X. pilota txapelketak eman du aurtengoa. 41 bikote aritu dira eta finalak azaroaren 27an jokatu ziren Beran.
Aurrebenjamin mailan, Etxalarko Altxatako Markel Etxarte eta Koldo Bizentek 18-13 irabazi zieten Berako Gure Txokoako Jon Pagola eta Unax Villameari.
Benjamin B mailan, Igantziko Biltokiko Garikoitz Txoperena eta Patxi Loiartek 18-15 irabazi zieten Lesakako Arkupeko Aritz Otxoteko eta Asier Larralderi; benjamin A mailan, Gure Txokoako Asier Telletxea eta Xiker Lizardi nagusitu ziren, 18-3, Arkupeko Ander Goizueta eta Antton Petrirenaren aurka.
Alebin B mailan, Altxatako Iker Bizente eta Eneko Sanzberrok 18-12 irabazi zieten Arkupeko Aimar Zamorano eta Iker Iriarteri; Alebin A mailan, Biltokiko Jokin Mitxeo eta Enaitz Telletxea gailendu ziren, 18-10, Gure Txokoako Oier Larretxea eta Yago Canterori irabazita.
Infantiletan, Igantziko Oihan Canabal eta Lesakako Julen Palenzuelak 18-10 irabazi zieten Berako Andoni Lazkanotegi eta Etxalarko Joseba Irazokiri, eta kadeteetan, Berako Ander Errandonea eta Xabi Mendik 18-13, Berako Mattin Garbisu eta Lesakako Jon Olaizolari.