Arreta goiztiarrerako fisioterapeuta jartzea eskatu dute gurasoek, pediatrak eta Mankomunitateak

Bortzirietan 0 eta 3 urte bitarteko arreta goiztia­rraren barrenean fisioterapia zerbitzua eskain­tzea eskatuz, ida­tzia sina­tu dute zerbi­tzu horren be­harra duten 15 gurasok, eta Oinarrizko Jendarte Zerbitzuetako or­dez­­kari politiko eta tekni­kariak eta Osasun Zentruko pedia­trak eta erizainak. Eskutitza Nafarroako Arartekoari, Osasunbideari eta Gizarte Ongi­za­te Sailari helaraziko zaie eta arazoari lehenbailehen irteera ematea eskatuko zaie. Horren be­rri azaroaren 30eko age­rraldian eman zuten.

Gaur egun, atentzio goiztiarraren baitan, logopedia eta estimulazio zerbitzuak eskain­tzen dira Bortzirietan ANFAS erakundearen bidez, baina fisioterapia­ na­hi duenak Iruñera joan­ behar du. Ondorioz, errepideko arris­kuaz­­ gain, joan-etorrietarako zailtasunak daude eta ho­rrek fisiote­rapia-saioak guttitzea dakar. Gainera, joan-eto­rriak ordain­tzeko diru­la­guntzak kendu dira. Ai­tzitik, legeak dio gu­­ttie­neko zer­bi­tzuok­­ Nafa­rroa­ osoan nor­be­re etxe­bi­zitzaren hurbilean eskaini behar dire­la.

Bortzirietako bizilagunak gainerako nafa­rrekin­ konparatuta desberdintasun egoeran daudela ere kritikatu dute, fi­sio­terapia zerbi­tzua ez baita bakarrik Iruñean ematen, Liza­rra eta Tute­ral­dekoek ere beraien he­rrietan har­tzen baitute.

Horregatik, arazoa ezagu­tzera eman eta fisioterapia zerbitzua ezar­­tzeko eska­tzeaz gain, zen­bait irtenbide ere proposatu dituz­te: logo­pe­dia eta estimulazio zerbi­tzuak Bor­tzirie­tan eskain­tzen dituen ANFASi fisioterapeuta bat kontra­ta­tze­ko baimena ematea, zerbitzua Lesakako Osasun Zentroan ema­tea baloratzea, dagoeneko haur fisioterapeuta batekin lan egiten duen Aspacerekin zerbi­tzua­ konzerta­tzea, edo, azkenik, fisioterapeuta Iruñetik Bor­tzirietara hurbil­tzea.

Belen Compayns pediatraren hitzetan, esti­mu­lazio –2004­ inguruan– eta logopeda zerbi­tzuak –duela 3-4 urte–, protestatu ondotik paratu ziren. Bor­tziriak izan zen Iruñetik kan­po arre­ta goiztiarreko zerbi­tzu ho­riek lortu zituen lehen es­kualdea eta gero hedatu zen bertze eremuetara. Fisiote­ra­peu­ta­re­kin ere bide bera segitu dute eta helburua lor­tzeko itxaropena dute, «beharra badelakoz».