Lesakako San Fermin erretiratuen elkarteak antolatuta gaztain jatea izanen da abenduaren 6an, astelehenean, arratseko 20:00etan jubilatuen elkartean. Gaztain erreaz gain, ajoarrieroa ere izanen dute menuan, baita ura, sagardoa eta ardoa edateko. Txartelak abenduaren 2a baino lehen hartu behar dira, 10 euroren truke.
Eguberrietako bazkaria 19an
Aipatzekoa da Eguberrietako bazkaria ere antolatu dutela Lesakako erretiratuek. Abenduaren 19an izanen da, 14:00etan, honako menu honekin: sarrerakoak, zopa, legatza erromatar erara, eta turroia postrerako. Txartelak 20 eurotan salgai daude erretiratuen elkartean abenduaren 12ra bitarte. Hamabi bazkide baino gehiago apuntatu behar dira bazkaria egin ahal izateko.