Berako Eztegara pilotalekuan azaroaren 27an, larunbat goizean jokatu ziren Bortzirietako eskuz binakako hamargarren pilota txapelketako finalak.
Aurrebenjamin mailan, Etxalarko Altxatako Markel Etxarte eta Koldo Bizentek 18 eta 13 irabazi zieten Berako Gure Txokoako Jon Pagola eta Unax Villameari; Benjamin B mailan, Igantziko Biltokiko Garikoitz Txoperena eta Patxi Loiartek 18 eta 15 irabazi zieten Lesakako Arkupeko Aritz Otxoteko eta Asier Larralderi; Benjamin A mailan, Berako Gure Txokoako Asier Telletxea eta Xiker Lizardik 18 eta 3 irabazi zieten, Lesakako Arkupeko Ander Goizueta eta Antton Petrirenari; Alebin B mailan, Etxalarko Altxatako Iker Bizente eta Eneko Sanzberrok 18 eta 12 irabazi zieten Lesakako Arkupeko Aimar Zamorano eta Iker Iriarteri; Alebin A mailan, Igantziko Biltokiko Jokin Mitxeo eta Enaitz Telletxeak 18 eta 10 irabazi zieten, Berako Gure Txokoako Oier Larretxea eta Yago Canterori; infantil mailan, Igantziko Oian Canabal eta Lesakako Julen Palenzuelak 18 eta 10 irabazi zieten Berako Andoni Lazkanotegi eta Etxalarko Joseba Irazokiri, eta kadetetan, Berako Ander Errandonea eta Xabi Mendik 18 eta 13 irabazi zieten Berako Mattin Garbisu eta Lesakako Jon Olaizolari.
Finalen ondotik, sariak eman zitzaizkien finalistei eta oroigarriak partehartzaile guziei. Denera, 41 bikotek parte hartu dute eskuz binakako txapelketaren hamargarren edizio honetan.