Berako Kaxerna Gaztetxeak Txileri buruzko zikloa antolatu du. Lehenbiziko ekitaldia azaroaren 28an, igandean 18:00etan eginen da. Hain zuzen, Victor Jarari buruzko dokumentala, 1999ko “El derecho de vivir en paz” dokumentala eskainiko da.
Abenduaren 2an, ortzegunarekin, berriz, 19:00etan, “I love Pinochet” filma eskainiko da, Txileko gizarteak Pinochetekiko duen erlazio kontrajarria erakusten duen dokumentala. Ondotik, entzunaldi girotua izanen da.
Abenduaren 9an, ortzegunarekin, 19:0etan, maputxeen eta gobernuaren arteko iskanbilak erakusten dituen dokumentala emanen da, 2003ko “Üxuf Xipay - El despojo” filma.
Abenduaren 12an, igandearekin, 18:00etan hitzaldia eskainiko du Julen Zulaika Askapenako kideak. Brigadista hau 2009an kanporatu zuten Txiletik.
Abenduaren 26an, igandearekin, “Compañero presidente” Salvador Allenderi buruzko 2008ko dokumentala eskainiko da 19:00etan. Ondotik, zikloa bukatzeko, mural margotzea eta afari girotua izanen dira.