2011ko ekaina urruti dagoela ematen du. Halere, bidaia bat aitzinetik antolatu behar duen horrentzat, zenbat eta lehenago lotu, orduan eta hobe. Herriko kronika idazten dugun urteotan, hainbat herrialderen deskribapena egin dugu eta munduko hainbat toki ezagutu dituzte herritar batzuek. Azken urteetan, herritarrak zein inguruko aunitz batu dira bidaiarien taldera. Ongi antolatu eta gidatuz gero, lagun aunitzek izena ematen du. Martin Legarra apaizak hartzen du guzia lotzeko ardura.
Ekainaren 13tik 21era Frantzialdera joanen dira. Xehetasun batzuk aipatuz, erran, Iruñetik Nantez aldera abiatuko direla eta Rennes, Vannes, Quimber, Saint Malo, Rouen eta Paris ere ezagutuko dituztela.
Bidaiaren prezioa 1.170 eurokoa da. Garraioa, gidaria, lau izarreko hoteletan egonaldia, hotel eta jatetxeetako hainbat zerbitzu, bisitatu beharreko lekuetarako sarrerak, eta bidaia asegurua prezioan sartzen dira. Abenduaren 31 da apuntatzeko azken eguna (948 634030-Martin). 350 euroko seinalea ere utzi behar da.