Bosgarren urteurrenean ere Kotto izan zuten gogoan hainbat lagunek. Berez, urteurrena urriaren 31n izan arren, aurten aste bat beranduago egin zen ekitaldia, azaroaren 7an. Goizean mendi itzulia egin zen eta eguerdian Kottok bereziki gustokoa zuen paraje batean omenaldi xumea baina hunkigarria egin zitzaion. Eguraldi euritsuak ez zuen ekitaldia eragotzi eta bertsoak eta gosari goxoa dastatzeko aukera izan zen. Goizeko ekitaldian 40 bat lagunek parte hartu zuten baina ez zen honetan bukatu eguna, Saran egindako bazkariak 100 lagun inguru bildu baitzuen. Oroitzapenen tartean, lagunek prestatutako Kottoren argazki sorta ikusteko aukera ere izan zen. «Kottok arlo guztietan egindako lanak arrasto sakonak utzi dituela nabarmen gelditu zen».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun