Kultur Batzordearen eskutik, haurrentzat dantza klasikoa eta ballet ikastaroa eginen da abenduaren 26tik 31ra Kultur Etxean. Amaia Leiza Apeztegia irakaslearen gidaritzapean, 4 eta 6 urte bitartekoek 16:30etik 17:30era eginen dute ikastaroa eta 7 eta 10 urte artekoek, 18:00etatik 19:30era. Izen emateko epea abenduaren 2ra arte zabalik dago, 012ra deituta behar da eta 20 euro ordaindu. Gehienez 14 lagun apunta daitezke talde bakoitzean.
Gurasoentzako hitzaldiak
Familietan euskararen erabilera sustatzeko gurasoentzako bi hitzaldi antolatu ditu Bortzirietako Euskara Mankomunitateak abenduaren 1erako Beralandetan. Lehena 17:00etan hasiko da, guraso euskaldunei zuzendua izanen da eta euskaraz eginen da. Bigarrena, 18:30ean, euskaraz ez dakiten gurasoentzako izanen da. Bietan Iñaki Eizmendi izanen da hizlaria.