Bortz herrietako Osasunazaleak biltzen dituen Bortzirietako Gorriak peñak Bortzirietako Mus Txapelketa antolatu du hirugarren aldiz. Lehenbiziko partidak azaroaren 19an jokatu ziren Lesakako Koxkila ostatuan. Ortziral honetan, hilak 26, Etxalarko Herriko Ostatuan jokatuko dira, 23:00etan hasita. Abenduaren 3an, 23:00etatik aitzinera Arantzako Pabloenean jokatuko dira. Abenduaren 11n, Berako Errekalden jokatuko dira partidak 16:00etan eta Igantziko Allinean, abenduaren 17an, 23:00etatik aitzinera. Herri bakoitzeko sailkatutakoek Eguberri Egunean jokatuko dute finala Lesakan 18:00etatik aitzinera. Izen emateak mus partidak jokatuko diren lekuetan egiten ahal dira, hasiera ordua bitarte. Informazio gehiago 606 542395era deituz.