Azaroaren 18an, ortzegunean Iruñean eginen den Tokiko Agenda 21 Ebaluatzeko Agintarien hamargarren foroaren eta Tokiko Garapen Jasangarrirako Praktika Egokien seigarren Sariketaren barne, Bortzirietako Bestabusa ekimenak Aipamen Berezia jasoko du. Landa Garapen eta Ingurumen Sailak ekitaldi-aretoan izanen da sari banaketa eta Bortzirietatik Patxi Irisarri Etxalarko alkateak parte hartuko du.