Azaroaren 25a Emakumeen Aurkako Indarkeriaren kontrako Nazioarteko Eguna izanen da eta horren harira, Bortzirietako Kontziliazio Itunetik hausnarketarako ekimena antolatu dute. Azaroaren 20an, film berezia eskainiko da Kultur Etxean, 20:00etan. Helena Taberna zine-zuzendari nafarrak egindako Nagore dokumentala eskainiko da. 2008an Iruñeko Sanferminetan Nagore Lafaggerekin gertatu zenari buruzkoa da.
Dokumentalak arrakasta haundia izan du Valladolideko Zinemaldian, eta hilaren 12an estreinatzekoa da zinemetan. Aste bat beranduago, Beran ikusteko aukera izanen da.
Haur Txokoa edo ludoteka zerbitzua ere eskainiko da, baina horretarako izena eman beharko da (948 635036).