Gure Txokoa Elkarteak antolatuta, aurten bigarrenez, Larungo Mendi Bizikleta Igoera egin zen azaroaren 1ean. Joan den urtean bezala, 8,9 kilometroko ibilbidea egin zuten 26 txirrindularik eta banaz bertzeko malda %9,5ekoa izan zuten eta gehienekoa %29koa. Aurtengoan, malda pikoaz gain, eguraldi kaxkarra ere arerio izan zuten. Iaz bezala, Patxi Vila izan zen bizkorrena. Ez zuen iaz egindako marka (41:15) hobetzerik izan, eta 44:32ko denbora egin zuen. Bigarren postua Asier Latxetarentzat izan zen (45:02) eta Iñaki Landabeak osatu zuen podiuma (46,20). Laugarren Eneko Gurrutxaga gelditu zen (47,05) eta bosgarren Kandi Ferbenza Ugalde (47,05). Bortz horientzat sariak izan ziren: 200, 100, 75, 50 eta 25 euro, hurrenez hurren. Dena den, iaz bezala, Vilak bere diru saria Gure Txokoa Txirrindula Eskolari eman dio.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun