Irisarri, Berrizaun, Unanu, Frain eta Piedadeko auzoetako bideetan konponketak eginen ditu Udalak. Zehazki, Mendibil, Argatabereko etxea, Iñarburu, Donjosenborda, Garaikola, Isasmendi, Akotrin eta Talaia baserrietara doazen bide zatietan. 115.000 euro inguruko aurrekontua duten lanak Pagozelay enpresak eginen ditu eta Nafarroako Gobernuak %60-70eko laguntza emanen du.