Bortzirietako Jendarte Zerbitzuen Mankomunitateak bulkatzen duen lana, familia eta norbere bizitza pertsonalaren bateragarritasun hitzarmenaren barrenean jubiloteka eskainiko da Berako Lagun Haundiak elkartean, urriaren 5etik hasi eta abenduaren 23ra bitarte. Zehazki, astearte eta ortziraletan eskainiko da zerbitzua, 10:00etatik 12:30era.
Jubilotekaren helburua, erretiratuek kulturaz, aisiaz eta giza harremanetaz gozatzeko kalitatezko eremu bat izatea da eta aldi berean, hauek zaintzen dituzten familiek ere beraien lanerako eta aisialdirako asti gehiago izatea.
Honela, astearte eta ortziralero egitarau berdintsua izanen dute erretiratuek. 10:00etatik 10:15era ongietorria; 10:15etik 11:00etara jarduera fisikoa; 11:00etatik 11:15era gosaria; 11:15etik 12:15era estimulazio kognitiboa eta 12:15etik 12:30era, lasaitasunera buelta eta despedida.