Lan arriskuez sentsibilizatzeko, UGTk antolatu duen informazio autobusa Nafarroa osoan ibiliko da aste honetan, “Mano a mano por la prevención y por tu Salud y Seguridad” izenburupean. Kanpaina honen helburua, lan eritasunen eta arriskuen inguruan langileak informatzea da, osasun prebentzioa landuz batez ere. Astelehenean, urriaren 4an, Iruñeko Antoniutti parkean dago egun osoan.
Urriaren 5ean, asteartean, berriz, 09:00etatik 12:00etara Berako Eztegara pasealekuan izanen da, Toki-Ona institutuko aparkalekuan, zehazkiago errateko. Ondotik, Altsasun, Lizarran, Tuteran eta Tafallan ere izanen da autobusa.