Manttale Mendi Lasterketa Taldeak eta Gure Txokoak eskualdeko emakumeen eta gazteen artean atletismoaren praktika sustatzeko bi ekimen jarriko dituzte martxan urrian. Alde batetik, emakumeak lasterka egitera bultzatzeko, entrenamenduz osaturiko ikastaro bat eginen da. Erresistentzia aerobikoa, luzaketak, esfortzuaren kudeaketa eta egoera fisikoaren hobekuntza landuko dira. Entrenamenduak asteazkenetan izanen dira 19:30etik aurrera, eta 30 euro balioko du hiruhilabeteko bakoitzak. Ikastaro horretan parte hartu nahi duten emakumeentzat bilera eginen da larunbat honetan, urriak 2, Iamotenean 11:30ean.
Bertzalde, 1995 eta 1998. urteen artean jaiotako Bigarren Hezkuntzako gaztetxoentzat atletismo eskola estreinatuko dute Manttalek eta Gure Txokoak. Asteazken arratsaldetan 17:00etatik 18:30era izanen dira saioak Berako kiroldegian, eta urte osoko kuota 50 eurokoa izanen da. Eskola horretan interesatuta dauden gurasoentzat bilera ere larunbat honetan eginen da, 11:00etan Iamotenean.
Gazteen eskola edota emakumeen entrenamenduetan interesatuak daudenek telefono zenbaki honetara dei dezakete: 656 577704 (Patxi eta Cristina).