Urtero Ameriketan ibilitako euskal artzainak omentzen dituzte Gipuzkoako Artzain Egunean, eta aurtengoan, irailaren 5ean Legazpin egindako bestan, igantziar eta lesakar bat izan ziren omenduak: Antsolazenbordako Elias Uitzi eta Lesakako Elordi baserriko Matias Telletxea. 1965eko abenduaren 28an hartu zuen AEBetarako bidea Eliasek, 41 urte zituenean. Baserria erosteko aukera bakarra artzain joatea zela-eta, emaztea eta 13 eta 3 urte bitarteko lau seme-alaba utzita joan zen. Orduan joan zen Jose Luis Antxordoki herritarra ere, 18 urte zituela. Hasiera batean, hiru urtetarako joan ziren, baina egonaldia luzatu eta azkenean lau urte pasatu zituzten. Tarte horretan, 2.000 ardiren ardura eduki zuen Antsolazenbordakoak. Etxean 100 bat ardirekin lan egitera ohituta bada aldea... 1969ko ekainaren 24an, San Juan Egunean, itzuli zen herrira Elias.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun