Urriaren 25etik 29ra epaituko dituzte Donostian Igor Portu eta Mattin Sarasolaren atxiloketan parte hartu zuten 10 guardia zibil. Horietako lau torturengatik epaituko dituzte (birentzat 3 urteko eta bertze bientzat 2 urteko kartzela zigorra eskatzen du fiskalak) eta bertze seiak lesioengatik. Bi lesakarrak egun bakarrean, 28an, izanen dira Donostian eta herrian zenbait mobilizazio eta Donostian manifestazio nazionala antolatzeko asmoa dago.