Uda honetan, Burdinaren Etxean zabalik egon den hilabete eskasean, abuztuaren 10etik irailaren 12ra, 158 bisitari jaso ditu Turismo Bulegoak. Bisitari horietatik %31,65ak Burdinaren Etxeko erakusketa ere bisitatu dute. Belen Mutuberria kultur teknikariak aipatu digunez, «jatorriari dagokionez, gehiengoa Bartzelonatik (%17,72), Nafarroa (%17), Bizkaia (%10), Murtzia (%8,2) eta Gipuzkoatik (%7,6) etorri da». Gehien bat familiek eta bikoteek, eta bigarren maila batean lagun taldeek, eskatu dute herriarekin, eskualdearekin, ibilbideekin edo gastronomiarekin lotutako informazioa.