Irailaren 26an ospatu zen Berako Gure Txokoa elkarteak hemezortzigarren aldiz antolatutako mendi bizikleta ibilaldian 166 txirrindulazalek hartu zuten parte. Horietatik gehienak, 124ek ibilbide luzea aukeratu zuten (32 km), Sarraia, Postas, Manttale, Ibardin, Usategieta, Landagaita. Lizuniaga eta Santa Barbara mendi ingurutik pasatuz; 15ek ibilbide laburra (20 km) eta bertze 27 ume eta gaztetxok 10 kilometroko ibilbide ttikia egin zuten, Postasetik abiatuta.
Sailkapenik egiten ez bada ere, ibilbide luzea egiten bizkorrena Felix Arraztoa izan zen, Alberto Rodriguez eta Mattin Goikoetxearen aitzinetik. Patxi Vila txirrindulari profesionalak ere parte hartu zuen ibilaldian, argazkian ageri denez. Behin proba bukatuta, Kate-Bike dendak emandako bi biziklta zozketatu ziren eta Andoni Rodriguez eta Cayo Mazizior izan ziren saridunak. Modu berea, Larun-Haizpek emandako 9 erosketa-bono (50 eta 30 eurokoak, masajeak…) zozketatu ziren.
Ohiko zulatuak izan ziren, baina Gurutze Gorriak txirrindulari bakarra hartatu zuen, ondoriorik izan ez zuen eroriko batengatik. Gure Txokoa elkarteak laguntzaile guziak eskertu nahi ditu, batez ere proba antolatzea posible egiten duten 25 boluntarioak.