Bortzirietako Euskara Mankomunitateak eta Bortzirietako Euskaltegiak euskararen irakaskuntzari buruzko motibazio saioa antolatu dute. Hitzaldia duela gutxi Euskara ikasten hasi zirenei (euskaltegian 4. urratsera artekoak) eta ikasteko asmotan direnei zuzendua dago. Helburua euskararen irakaskuntzaren inguruan sortzen diren galderak eta zalantzak argitzea da. Izan ere, Euskara ikasten ahal da heldu aroan, baita eguneroko bizitzan txertatu ere. Rosa Ramosek gidatuko du motibazio saioa eta 19:00etan hasiko da Berako Gure Txokoa elkartean.
Berriozarko euskara teknikaria da Ramos, eta gaztetan ikasi zuen euskara. Hark erakutsiko digu zein izaten diren Euskara ikasteko bide horretan oztopo nagusiak, eta zer egiten ahal den horiek gainditzeko. Modu berean, euskaltegiko irakasleek eta euskaldundu diren pare bat lagunek ere parte hartuko dute saioan. Lehenbizikoek ikasketa moduari, ikastaro motei, ordutegiari, baliabideei, eta abarri buruzko galderei erantzunen diete, eta bigarrengoek, euren bizipenaz eta euskara ikasteak ekarri dienaz solastuko zaizkigu.