Euskal Herriko Lehen Mailako Arpanlari Txapelketa jokatuko da urriaren 2an Igantzin

Igantziko sanmigelen barne, Euskal He­rri­ko Lehen Mailako Ar­pan­lari Txapelketa joka­tuko da urriaren 2an. Sei bikote ariko dira lehian, 18:00­etatik aitzinera.

Bikote hauek hartuko dute parte: Igor Lasa­ga (Bera) eta Jabier Galarregi (Etxa­lar); Iñaki eta Jo­se­txo Barberena anaiak (Iraizoz, Nafa­rroa); Andoni Rezabal (Aia, Gipuzkoa) eta Aitor Roteta (Alkiza, Gipuz­koa); Esteban Pika­bea (Ge­ren­diain, Nafa­rroa) eta Alva­ro Morrondo (Ripa, Nafarroa); Unai Iraola (Ikaz­tegieta, Gipuzkoa) eta Jokin Garmendia (Balia­rrain, Gipuzkoa); Juan Carlos Lopez (Araba) eta Fernando Velez De Mendizabal (Ilarduia, Araba).

Bikote bakoitzak lan hau egin beharko du: 60 ontzakoari goitik behera­ko bortz ebake­ta (enbo­rra etzanda); 54 ontzakoari ezke­rretik eskuinerako sei ebaketa (enbo­rra zutik); 54 ontzakoari goitik beherako sei ebaketa (en­bo­rra etzanda) eta 60 on­tza­koari goitik beherako bortz ebaketa (enbo­rra etzanda).

Nafarroako Emakumezkoen Trontza Txapelketa

Hilaren 4an jokatu zen Arraiozen, Nafa­rroako Emakumezkoen Arpanlari Txapelketa, eta hiru se­gundo baino gu­ttia­go­gatik ez zen Berara joan txapela. Ana Lopez eta Itziar Nuñezek (Le­zaun) 07:11.94­ko denbora egin zuten eta Ne­rea Sorondo eta Amaia Garciak (Bera), berriz, 07:14.04­koa. Hiru­garrenak Su­sa­na Sanchez (Be­rriozar) eta Aina­ra Urriza (Era­so) izan ziren.