Irailaren 10etik 12ra ospatuko dira Bittiriko bestak. Ortziralean, 20:00etan patata tortilla txapelketa eginen da eta ordu berean, Bittiriko III. Trikitixa Txapelketa jokatuko da. 21:00etan txupinazoa botako da eta 21:30ean berendu afaria eginen da. 23:00etan rock kontzertua izanen da Arma, Tiro, Punk eta Askatu taldeekin.
Larunbatean, hilak 11, 10:00etan diana izanen da txistulariekin eta 12:00etan auzoko korrikalarien arteko desafioa. Apusturako aukera ere izanen da. 13:00etan bertso poteoa eginen da trikitilariekin eta 14:30ean bazkaria Jon Maia, Josu Sanjurjo eta Mañukortarekin. 19:30ean berbena izanen da Gaubela taldearekin.
Azken egunean, 11:00etan haur jokoak izanen dira Eltzeta plazan. 17:30ean Lur Korta ipuin-kontalaria ariko da Bittiriko plazan eta bukatzeko, 18:30ean, trikitixa jaialdia eginen da.