Bi kamioik elkar jo dute gaur 10:00 aldera, Beratik Ibardinera doan NA-1310 errepideko 4. puntu kilometrikoan. Istripuaren ondorioz, kamioi-gidarietako bat ibilgailu barrenean gelditu da hanka bat harrapatuta atera ezinik eta suhiltzaileek ordubete baino gehiago behar izan dute gidaria ateratzeko.
Salbamendu lanetan Nafarroako Gobernuko suhiltzaileak eta Berako sendagile talde bat aritu dira. Ordu bateko lanaren ondotik, anbulantzia batek Irungo Ospitale Komarkalera eraman du zauritua. Zaurituak 'pronostiko erreserbatuko' zauriak ditu.
Istripuak hala behartuta, errepidea itxi behar izan dute 5 orduz eta, arratsaldeko hiruak pasatuxe, bi kamioiak trabatik kendu dituztenean, ireki da trafikora errepidea.