Saverako 137 langileetatik 56 kaleratzeko erregulazio txostenaren kontsulta epea urtarrilaren 13an bukatu zen, baina langileen eta zuzendaritzaren arteko akordiorik gabe. Ordutik hasita, Nafarroako Gobernuko Lan Sailak 15 eguneko epea izanen du enpresak ekainaren 10ean aurkeztutako erregulazio txostena onartu ala ez erabakitzeko. Bitartean, langileek mugagabeko greban eta protestak eginez segitzen dute. Uztailaren 3an, erraterako, 500 lagun baino gehiagok bat egin zuten manifestazioekin. Langileek senide, lagun eta zenbait alkate eta zinegotziren babesa jaso zuten, baita Txiki Muñoz ELAko idazkari nagusiarena ere. Savera: lanpostuak Txinan? Nafar Gobernuak: esan ezetz pankartak ireki zuen ibilbidea eta langileen emazte, bikotekide eta seme-alabek bigarren bat eraman zuten: Savera greban, 56 familia etorkizunik gabe adieraziz.