20 urte bete ditu aurten Bortzirietako Euskara Mankomunitateak, eta urteurren hori modu berezian ospatzeko, hainbat ekitaldi izanen direla iragarri dute bortz herrietako Euskara Batzordeetatik. Horien artean, aipatzekoa da, urriaren 31n Beran eginen den Bortzirietako Euskara Mankomunitatearen Eguna.
Aitzineko hilabetean, Arantza, Bera, Etxalar, Igantzi eta Lesakako Euskara Batzordeek Etxalarko Kultur Etxean egindako bilkuran iragarri zuten urriko besta. Baina orokorrean, Mankomunitatearen egoera izan zuten aztergai. Gisa berean, aitzinera begira, euskararen normalkuntzarako tresna eraginkorra izaten segi dezan ziurtatu beharreko guttieneko baldintzei buruz ere aritu ziren. Euskara Batzordeen egoerari buruz ere gogoeta egin zuten aipatu bileran.
20 urte bete ditu aurten Euskara Mankomunitateak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun