23 urteko emakume batek istripu izan zuen uztailaren 11n Lesaka eta Igantzi artean, zaldi gainetik erorita. Erorikoaren ondorioz, buruko traumatismoa izan zuen eta konortea galdu zuen. Istripuaren abixua 18:02ean hartu zuten SOS Navarran eta Lesakako talde medikua eta Oronozko suhiltzaileen parkeko anbulantzia mugitu ziren Lesakara. Helikoptero medikalizatua ere joan zen, baina ez zuen lur hartzerik izan, behelainoaren ondorioz. Azkenean, zauritutako emakumea Irungo ospitalera eraman zuten anbulantziaz, Lesakako medikuarekin batera.