Berako San Esteban bestetako egitarauaren azala aukeratzeko lehiaketan, hogei parte-hartzaileen artean Jone Taberna Estonba lesakarrak egindako azala aukeratu du Epaimahaiak.
Lehiaketa irabazteagatik Jone Tabernari 300 euro egokitu zaizkio.
Lehiaketa hau 2010eko Berako Bestetako egitarauaren azalean agertzeko jarri zuen abian Berako Kultur Batzordeak; besta hauek, abuztuaren 2tik 7ra arte ospatuko dira.
Bigarren postuan, joan den urtean irabazle izan zen Vicente Taberna Sein beratarra geratu da. Bere lana bestetako egitarauko atzeko azalean agertuko da.