Aurten ere erraldoiak nola dantzatu ikasteko ikastaroa antolatu du Berako Kultur Batzordeak. Urtero Berako Sanesteban bestetan ateratzen den erraldoien konpartsa indartzeko, eta talde iraunkorra sustatzeko deialdia egin du Berako Kultur Batzordeak. Joan den urtean bezala, ikastaroa antolatu du, erraldoiak nola dantzatu erakusteko erraldoi berriak estreinatu behar direla probestuta. Taldea indartzeko asmoz, erraldoiak dantzatzeko taldea osatu nahi du Kultur Batzordeak. 18 urtetik goitiko edozein beratarrek parte hartzen ahal du. Ikastaroa doan izanen da.
Izen ematea uztailaren 2ko 13.30ak arte egiten ahal da, 012 telefonoan eta ikastaroa larunbat goizetan eginen da uztailaren 3an, 17, 24 eta 31n.