Lesakako akordeolari taldeak kontzertua eskainiko du ekainaren 4an, ortziralean 20:30ean Alhondigako arkupetan.
Lehenago, 18:00etan Beti Gazte elkarteak Udalaren laguntzaz antolatzen duen Ezagutu dezagun Lesaka lehiaketako sari banaketa eginen da elkartearen egoitzan.
Ezagutu Dezagun Lesaka
Lehen Hezkuntzako 1. eta 2. mailako haurrak hartzen dituen A mailan, lehenbiziko saria Izaskun Galardi Txoperenarentzat izanen da, bigarrena Olaia Iantzi Etxarterentzat eta hirugarrena Ane Telletxea Oiartzabalentzat.
Lehen Hezkuntzako 3., 4. eta 5. Mailan, lehen saria Kattalin Odriozola Muxikak eskuratuko du, bigarrena Beñat Iantzi Etxartek, hirugarrena Paulo Ramos Zumaldek eta laugarrena Ainara Otxoteko Larrartek eta Aitziber Irazoki Bengoetxeak.
Lehen Hezkuntzako 6. Mailan eta DBHko 1. eta 2. Mailan lehen saria Maite Odriozola Muxikak jasoko du, bigarrena Ane Gurrutxaga Errandoneak, hirugarrena Urki Txoperena Elosegik, laugarrena Ibon Txoperena Elosegik eta bosgarrena Leire Parra Eneterreagak.
Haurrentzako tailerra larunbatean
Larunbatean, Emagin taldearen eskutik haurrentzako tailerra izanen da komentuko belagian, 11:00etatik aitzinera. Arrano elkarteak antolatu du ekitaldia, Udalaren laguntzarekin.