Udaberriarekin batera, ailegatu da Eskolarteko Txapelketen tenorea ere. Bertsozale Elkarteak antolatuta, Iparraldean, Gipuzkoan, Araban eta Nafarroan jokatuko dira, bi kategoriatan banatuta: 14 urte arteko gaztetxoak batetik, eta 14 eta 18 urte bitartekoak bertzetik. Bada, Nafarroari dagokion finaletako bat Beran jokatuko da ortziral honetan, maiatzak 28. 14 eta 18 urte bitartekoen finala, hain zuzen, Kultur Etxean eginen da.
14 urte artekoen finala, berriz, ekainaren 5ean jokatuko da Larraintzarren, Nafarroako Bertso Eskolen Egunean.
Bertzalde, Euskal Herriko Eskolarteko Txapelketako finala Agurainen (Araba) izanen da ekainaren 19an.