Aspaldikoxtik medikuaren etxearen gaiari tiraka gabiltza. Izan ere, etxebizitza bilakatzeko asmoz, herriko langileak goiko solairuan lanean ari dira. Udalaren nahia lan hauek urte honen barrenean ahalik eta abudoen egitea eta errentan ematea da, egindako inkestaren emaitzak errespetatuz. Hala, lehendik dauden etxe hutsak erabiltzeko modu egokia dela uste du Udalak. Eta familia edo herriko norbaitek etxearen beharra balu, irtenbidea emanen litzaioke.
Oraindik zehaztu gabe dago nolako baldintzak izanen diren errentan ematerako orduan. Baina proiektu hau aitzinera doa eta interesatuekin harremanetan jartzeko asmoa dago. Gisa berean, aranztarrei etxea ikusteko aukera ematea ere pentsatzen dabil Udala, eta horren ondotik, deialdi berri bat egitea. Etxea eta obrak ikusi ondotik, jendeak pausoa ematea errazagoa izanen delakoan baitago. Honen berri gehiago izanen dugula ageri da azken udal berrietan.