Arantzari buruzko saioa grabatuko du Xaloa Telebistak hurrengo astean

Tokiko hedabide baten lana nolakoa den erakusteko, eta bidenabar, ikasteko asmoz, Xaloa Telebistak Herriz-Herri egitasmoa jarri du mar­txan­ ikasturte honetan. Hainbat herrietako esko­letan sartu eta ikasle eta irakasleekin harre­ma­ne­tan egoteaz gain, herriko jende ezagunekin egin­dako elkarrizketekin osatzen dute saioa. Le­hia­ketak ere bere tartea izaten du. Gainera, Iñaki Alustiza aranzta­rra eta Xaloako aurkez­lea, gidari lanetan aritzen da.
Maiatzaren 24tik 28­ra Xaloako unitate mu­gi­ko­rra herrian izanen dugu eta kamera­lari, tekni­ka­ri eta aurkez­leek herri­ko hainbat txoko eta kontu bilduko di­tuz­te. Aran­tzari buruzko saioa grabatuko dute, eta Xaloa Telebista ezin bada ikusi ere, Internete­ra sarbidea duzuenok www.tokiko.tv-en auke­ra izanen duzue. Erne beraz!