Tantirumairu Euskal Folklore Taldeak Udalaren laguntzaz antolatutako Tantirudantza jaialdia giro ederrean ospatu zen apirilaren 25ean. Eguraldi eguzkitsua eta goxoa lagun, goizean, ongi-etorria eta hameketakoaren ondotik, Urretxuko Lurra, Getariko Gure Txeru eta Faltzesko Makaia taldeetako dantzari ttikiak, herriko Tantirumairukoekin batera, karrikaz-karrika ibili ziren, Lesakako hainbat txokotan beraien dantzak eskainiz. Herriko dantzarik tipikoena, Zubigainekoa, eskaini zioten herriko dantzariek bisitariei eta gero plazan bildu ziren talde guziak, beraien emanaldia eskaintzera. Bazkalondoan, Patxin eta Potxin pailazoek emanaldia eskaini zuten plazan.