Nafarroako Kirol Jolasen barne, Nafarroako Mendi Federaziok hainbat proba antolatzen ditu gaztetxoentzat. Eta horietako bat, mendi ibilaldietako finala, eginen da herrian igande honetan.
Larun Mendik antolatu du eta 10 eta 17 urteko neska-mutikoek har dezakete parte. Ibardinetik abiatuta, Landagaita eta Larunetik pasatuz, berriz herrira bueltatuko dira, 13 kikometroko ibilbidea egindakoan. Ttikienek, aldiz, 8 kilometroko ibilbidea izanen dute, Landagaitatik herrira jautsiko baitira. Helmugaratzean, jan-edanaz gain, jokoak izanen dira.
Kirol Jolasen barrenean, bertzalde, mendiko orientazio proben finalak egin ziren apirilaren 18an Altsasun. Mapa batekin, baliza edo mugarriz betetako ibilbidea osatu behar izan zuten, mugarri horietako bakoitzean eurekin eraman zuten paperean, zegokion laukitxoan marka eginez. Jubenil mailako nesken kategorian, Naia Esnaola eta Itxaro Errandonea herritarrak txapeldun eta azpitxapeldun izan ziren.