Didier Zago frantziarrak –1:40:02eko denbora– eta Alizia Olazabal irundarrak –2:05:28–, irabazi dute Berako Mendi Maratoi Erdiko seigarren edizioa. Gizonezkoetan, Zago arazorik gabe helmugaratu zen Walter Becerra sestaotarra eta Fernando Etxegarai beratarraren aitzinetik. Probaren hasieratik nabarmendu ziren Zago eta Becerra eta elkarrekin igaro ziren Ibardingo tarteko helmugatik. Hortik aitzinera, Zagok gibelean utzi zuen Becerra. Larunen, iaz baino 30 segundo hobeki zihoala ikusita, orduantxe pentsatu omen zuen marka egin zezakeela eta beheitirakoan denbora horri eutsi zion. Hala, 2009an berak 1:40:19an ezarritako marka 17 segundotan hobetu zuen. Ibardingo saria, 150 euro, Zago eta Becerrarentzat izan zen.
Nesken kategorian berriz, Olazabal irundarra izan zen lehena, Nerea Amilibia aiarra eta Nekane Azkorbebeitia abadinotarraren aitzinetik. Olazabalek ere iaz Oihana Kortazar elgetarrak egindako marka 7 segundotan hobetu zuen.
PARTE-HARTZE ALTUA
500 lasterkari inguruk parte hartu zuten apirilaren 11ko maratoi erdian, eta hauetatik 466 ailegatu ziren helmugara. Gisa berean, horrela hasi zen Nafarroako 2. Mendi lasterketa kopa. Sailkapen honetan, Aralar Mendiko Angel Arrieta izan zen lehena eta joan den urtean kopa irabazi zuen Manttaleko Iñigo Lasaga etxalartarra bigarren.
Gaztetxoak
13 eta 17 urte arteko gaztetxoek Ibardineraino 6,6 kilometroko lasterketa egin zuten. 13 eta 14 urte artekoetan, Beñat Mitxelena beratarra izan zen bizkorrena (41:54), Julen Etxeberria beratarra bigarren (44:06), Iker Iturria lesakarra hirugarren (44:27), Andoni Lazkanotegi laugarren (46:31) eta Asier Goia bosgarren (49:20). Neska bakarra Ane Eltzaurdia izan zen (55:49).
15-17 urte artekoetan, berriz, Ander Garmendia bizkaitarra nagusitu zen (41:08), Iñigo Unanue gipuzkoarra bigarren (42:44), Luka Remiro beratarra hirugarren (45:19), Mikel Aldazabal laugarren (51:56) eta Kepa Remiro bosgarren (54:05).
Omenaldiak
Mendi Maratoi Erdia abiatu baino lehen, minutuko isilunea gorde zen ortziralean hildako Manoli Aranbururen omenez, Manttaleko Unai eta Garbiñe Santamariaren amaren omenez, hain zuzen. Garbiñe, gainera, Loro Pikabea zenaren alarguna da. Aipatu, Loro eta Xabier Zubieta izan zirela proba honen bultzatzaile nagusienak eta Xabier Saralegi lesakarrarekin batera, Taillon mendia igotzen ari zirela, hil zirela duela hiru urte. Hauen oroimenez, 1, 2 eta 3 zenbakirik gabe egiten da lasterketa.
Bertzalde, Manttalek omenaldia eskaini zion Batixta Telletxeari, Manttaleko korrikalari beteranoenetakoari eta klubaren eta probaren laguntzaile nekaezinari.
ESKUALDEKOAK
KIROLARIA POSTUA HERRIA DENBORA
Fernando ETXEGARAI 3 BERA 1:44:16
Iñigo LASAGA 7 ETXALAR 1:49:48
Mikel ALTZURI 37 ARANTZA 1:59:09
Philippe VACQUIE 55 SARA 2:02:01
Daniel IPARRAGIRRE 68 ARANTZA 2:03:47
Jabier OTXOTEKO 69 LESAKA 2:03:49
Karlos SEIN 90 IGANTZI 2:05:53
Juan Luis IRATZOKI 103 BERA 2:07:46
Andoni LARRAÑAGA 139 BERA 2:12:07
Jesus Mª BENGOETXEA 142 ARRAIOZ 2:12:23
Iban ZUBIETA 150 BERA 2:12:56
Claude ETXEGARAI 151 SARA 2:13:04
Igor AGESTA 152 SUNBILLA 2:13:07
Aitor MITXELENA 160 LESAKA 2:14:15
Gillermo PERUGORRIA 161 BERA 2:14:16
Aitor BERRA 181 SENPERE 2:15:42
Iñaki LARRAÑAGA 193 BERA 2:16:40
Thierry HAROCARENE 207 SENPERE 2:17:51
Iñigo TELLETXEA 226 IGANTZI 2:19:00
Joseba PETRIRENA 233 BERA 2:19:08
Joxe Mari SALGADO 235 BERA 2:19:24
Aitor APEZTEGIA 239 SUNBILLA 2:19:39
Pantxo IBARRA 251 SARA 2:21:02
Joxema UITZI 253 BERA 2:21:06
J. Antonio APEZTEGIA 259 BERA 2:22:07
Xanti DENDARIETA 264 ERRATZU 2:22:55
Igor ALTZUGARAI 266 LESAKA 2:22:58
Jorge ARAKUES 273 BERA 2:23:48
Beñat SEIN 278 SENPERE 2:24:04
Mikel IRIGOIEN 284 LESAKA 2:24:22
Santi SAN MIGEL 291 DONEZTEBE 2:25:20
Ana ZELAIETA 292 DONEZTEBE 2:25:20
Txus UNSION 312 BERA 2:28:01
Oihan PEREZ 329 BERA 2:29:50
Andoni LASAGA 346 ETXALAR 2:32:34
Miel Joxe ARIZTIA 347 AMAIUR 2:32:53
Rafa PONBAR 363 BERA 2:35:30
Jagoba OTXOTEKO 370 LESAKA 2:37:04
Asier ETXEBERRIA 373 LESAKA 2:37:06
Jabier IPARRAGIRRE 374 ARANTZA 2:37:22
Xabier ITURRIA 375 ARANTZA 2:37:22
Jabier IANTZI 401 LESAKA 2:41:21
Rafa ALTZATE 407 BERA 2:43:21
Angel DAGERRE 412 BERA 2:43:49
Migel AZKARRAGA 433 IRURITA 2:50:09
Andoni IRIGOIEN 451 ANIZ 2:58:09