Txistulari edota trikitilariak, Uxanekoen antzerkia, Joseba Iratzokiren musika doinuak, Gure Txokoa Dantza Taldearen saioa, Musika Eskolakoen emanaldia, Ertz eta Bertso Eskolakoak... Horiek eta bertze hainbatek parte hartuko dute ortziral honetan, apirilak 16, eginen den Kultur Etxe berrituaren inaugurazioan. 19:00etan hasiko dira ekitaldiak.
Egin diren lanak
Bertzeak bertze, harmailak berritu dira Kultur Etxean, aulki berriak paratu dira eta gainera inklinazioan. Horrez gain, eszenatokiko tresneria ere berritu da. Lan hauek egiteko Nafarroako Gobernuaren laguntza izan du Udalak, gutti goitibeheiti gastuaren erdia, 127.878,98 euro.