Arkupeak erretiratuen elkarteak urtero antolatzen duen gimnasia erakustaldia ortzegunean, apirilaren 8an eginen da Berako kiroldegian.
Eguerdiko 12etan hasiko den gimnasia erakustaldian 81 kirolarik hartuko dute parte, Bera, Leitza, Goizueta, Urdazubi, Elizondo, Doneztebe eta Sunbillatik etorriak. Berako taldean Ana Larretxea izanen da erakusle eta gainerakoetan Patxi Txokarro.
Erakustaldiaren ondotik, autobusak abiatuko dira Zubiondo jatetxera 14:15ean eginen den bazkarira. Menuan urdaiazpikoa, patea,fritoak, piper beteak, arrain zopa, legatza erromatar erara, sorbetea, azpixuna guarnizioarekin, txanpaina, moka tarta txokolatearekin, ura, ardoa, kafea eta kopa normalak izanen dituzte.
Bazkalondoan, 17:00etatik 19:45era dantzaldia izanen dute eta arratseko 20:00etan autobusak etxera bueltan abiatuko dira.