Esperientzia berria izan dute berriki eskolako laugarren mailako ikasleek: English week programaren barne parte hartu dute, eta ingelesa praktikatzeko helburuarekin, Irunberrin izan dira bederatzi ikasle eta Nerea irakaslea. Martxoaren 15etik 18ra Lekunberri, Etxarri-Aranatz eta Uharteko ikasleekin batera egon ziren Irunberrin eta goizez ingeleseko klaseetan egon ondotik, arratsaldez gisa guztietako ekintzak egiten aritu ziren: igerilekua, Irunberriko arroilara bisita, orientazio jokoak... eta gehien gustatu zitzaiena: diskoteka. Leher eginak bueltatu ziren etxera, baina erran digutenez, hagitz gustura. Ulermena landu omen dute batez ere, eta hori orain eskolan ere nabaritzen omen da.